Kì-liân ē-sái iōng Pe̍h-ōe-jī lâi siá-jī, tû-liáu siá chèng-tī-bûn, mā sī ài siá pia̍t ê mi̍h-kiāⁿ.
Signal Private Messenger, sī góa siūⁿ beh kài-siāu ê chhiú-ki-á app. Chit-má bāng-lō͘ sī hong-piān, chin chōe lâng leh sú-iōng, tān-sī seng-oa̍h chu-liāu mā sī chiok kín to̍h lāu chhut-khì, chō-sêng chin chōe mâ-hoân.
Sòa--lo̍h-khì góa ē soat-bêng che leh app kap tāi-chiòng iōng ê Line sī chha leh toh.
In-ūi góa ài cheng-ka phah Pe̍h-ōe-jī ê sok-tō͘, ká-sú lí ū khoàⁿ-bô ê jī, lí ài ka-kī khì cha jī-tián, lín-pē bô koh phah Hôa-gí hàn-jī lâi soat-bêng ah.
Góa iōng kòe ê message app, Signal iōng khílâi siōng kántan, jîchhiáⁿ i ê ōebīn chiok chhengkhì, bô sio chōe bô hāu ê siatkè. Ēkha saⁿ tiám sī góa thuichiàn ê goânin:
1. Chhiúkiá tùi Chhiúkiá ê Àmhōhòa. Messages kap bānglō͘ tiánōe lóng ē tī àmhō ēkha thoân hō͘ tùihong.
2. Ēsái tī tiānnáu thâuténg iōng, ōebīn mā sī chin kántan.
3. Open-source, àmhō kisu̍t choânpō͘ kongkhai.
Tē saⁿ tiám chin tiōngiàu, ū Open-source ê mi̍hkiāⁿ lāité choânpō͘ ê source code lóng ēsái khòaⁿ kap kiámgiām, kású ū lâng ia̍hsī cho͘chit beh chhòngkhang, lóng ē hō͘ kochhiú hackers lia̍hpau.
Che sī góa siōng kahì ê app, kású lí tùi kîthaⁿ ê mi̍hkiāⁿ ū hèngchhù, ēsái chhamkhó chit phian: Best Anonymous Messaging Apps.
